3.3.14

Great Lent ቅድስት


 ዐቢይ ጾም…ጌታችን ኢየሱስ ክርስቶስ ከተጠመቀ በኋላ ስለ እኛ ቤዛ እና አርኣያ ለመሆን በገዳመ ቆርንቶስ አርባ መዓልት እና አርባ ሌሊት የጾመው ጾም ነው። ዐቢይ የተባለበት ምክንያት ጌታችን የጾመው ጾም ስለሆነና የሰይጣንን ፈተና ድል የነሳበት ሰለሆነ ነው።


በዐቢይ ጾም ሳምንታት ለሚገኙት እሑዶች መደበኛ የሆነ ያሬዳዊ ዜማ እና በቅዳሴ ጊዜም ቋሚ የሆኑ ምንባቦች እና ምስባክ ተመድቦላቸዋል። የቤተ ክርስቲያናችንን መዝሙር ንባቡን ከዜማው አስማምቶ ያዘጋጀው ኢትዮጵያዊው ቅዱስ ያሬድ… የጾምን፣ የምጽዋትን እና የጸሎትን ጠቃሚነት በሚያስተምረው የዜማ ድርሰቱ በጾመ ድጓው ላይ በዐቢይ ጾም ለሚገኙት እሑዶች ሁሉ የተለየ መዝሙር ስለሚሠራላቸው እያንዳንዱ እሑድ በመዝሙሩ ስም ጠርቶታል።


ለምሳሌ የመጀመሪያ እሑድ ዘወረደሁለተኛው ቅድስት፣ እያለ የዐቢይ ጾም ሰንበታት እንደ ቅደም ተከተላቸው ይጠራቸዋል።

በሌላው ኦርቶዶክስ ቤተ ክርስቲያናት (ኢትዮጵያዊ ባልሆኑት) እነዚህ ሳምንታት የተለየ ስያሜና ትርጛሜ አላቸው።
ቅድስት እሁድ ማግስት ማለትም ዛሬ March 3 ጾማቸውን ስለሚይዙ… ያለፉት አራት ሳምንታቶች የመዘጋጃ ሳምንታት ሰለነበሩ ዘወረደ እና ቅድስት የተለየ ስያሜና ትርጛሜ ነበሩአቸው።

ከሚቀጥለው እሁድ ጀምሮ ያሉት  ስያሜዎች

በእኛ ቤተክርስቲያን              በእነሱ
ምኩራብ             Sunday of Orthodoxy
መጻጉዕ             St. Gregory Palamas
ደብረዘይት          Adoration of Cross
ገብርኄር             St. John of Climax
ኒቆዲሞስ          St. Mary of Egypt
ሆሣዕና                Palm Sunday 
ሰሙነ ህማማት      HOLY WEEK



ቅድስት
የዐቢይ ጾም ሁለተኛው ሳምንት እሑድ ቅድስት ይባላል። ይህም ስለ ዕለተ ስንበት ቅድስና የሚያወሳ ሲሆን ቅዱስ ያሬድ ይህች ዕለት የተቀደሰ ሥራ የሚሠራባት ቀን ስለሆነች... በጾመ ድጓው ላይ
ሰንበትን አክብሩ እውነትንም አድርጉ በማለት

ይህች ዕለት የተለየች የተቀደሰች ናት
ለሰው ልጅም መድኃኒት ናት
በመንገዱ ሁሉ በጊዜው ሁሉ በሰዓቱ ሁሉ
መሪ ትሆነን ዘንድ እግዚአብሔር ሰንበትን አከበራት
አለ።
IMAGE CREDITS: google images

 ጾማችን የመንፈሳዊ ፍሬ ያፈራ ዘንድ ፈጣሪ እግዚአብሔር ውስጣዊ ባሕሪአችንን  ይባርክልን 
አሜን 

በረከት 

No comments:

Post a Comment